As persoas interesadas terán que inscribirse nunha web para poder obter un código co que comprar os seus billetes que ofrece descontos en trens e autobuses a mozos/as de entre 18 e 30 anos con nacionalidade española ou estranxeira e residencia legal en España.
Os descontos serán efectivos para as viaxes realizadas entre o 1 de xullo e o 30 de setembro deste ano.
Para optar aos descontos:
- Tes que ter nacido entre o 01/01/1995 - 31/12/2007.
- Ter nacionalidade española ou residencia legal en España.
Descontos do 90% para:
🚍 Autobús regular de competencia estatal.
🚆 Trens de media distancia convencional e en rede de ancho métrico.
Descontos do 50% para:
🎟️ Títulos sinxelos de Avant.
🚄 Servizos comerciais de Longa Distancia ou Alta Velocidade de todos os operadores ferroviarios (máximo 30 euros por billete).
🌍 Global Flexible de Interrail de 10 días en 2 meses, cando se comercialice vía Renfe.
O rexistro para conseguir os descontos habilitarase proximamente. Mentres, podes ir consultando como será este rexistro e máis detalles do programa na web: https://www.transportes.gob.es/transporte_terrestre/verano-joven
O procedemento habitual é que as persoas interesadas se rexístren na devandita web co seu DNI, NIE ou pasaporte. Se cumpren os requisitos do programa, reciben un código persoal e intransferible que deben utilizar para adquirir o pase Interrail e os billetes de tren e autobús rebaixados nas webs dos respectivos operadores.
Con esta iniciativa, o Goberno aspira a reducir o uso do vehículo particular, coa consecuente redución de emisións e de sinistralidade, así como achegar o transporte público colectivo terrestre aos mozos e fomentar o seu desenvolvemento persoal, ao mesmo tempo que se potencia o sector turístico e cultural nacional.