CONSELLERÍA DE CULTURA, EDUCACIÓN E UNIVERSIDADE
ORDE do 4 de xuño de 2021 pola que se regula, no ámbito do sistema educativo da Comunidade Autónoma de Galicia, o proceso de acreditación
de competencias profesionais adquiridas a través da experiencia laboral para unidades de competencia do Catálogo nacional de cualificacións profesionais (código de procedemento ED517B).

O procedemento manterase aberto con carácter permanente garantíndose o inicio deste para cada persoa solicitante de acordo cos prazos previstos no artigo 21 da Lei 39/2015, do 1 de outubro, do procedemento administrativo común das administracións públicas. O prazo máximo para resolver será de seis meses desde que a solicitude teña entrada no rexistro electrónico da Xunta de Galicia.

No caso de que non se dite resolución expresa en prazo ou non se comunique a continuidade do procedemento, a solicitude presentada entenderase desestimada por silencio administrativo.

https://www.xunta.gal/dog/Publicados/2021/20210615/AnuncioG0598-070621-0001_gl.pdf

O Campus de Emprendemento e Empregabilidade celebrarase do 12 ao 23 de xullo

Esta iniciativa que se desenvolverá na Facultade de Ciencias Económicas e Empresariais pretende incrementar o número de empresas creadas polos e polas estudantes, dando pulo a unha rede de startups marca USC.

Formar ao alumnado universitario en como se crea unha empresa como alternativa de saída ao mercado laboral é a meta que persegue o Campus de Emprendemento e Empregabilidade da USC que se desenvolverá do 12 ao 23 de xullo. Esta iniciativa das vicerreitorías de Investigación e Innovación, así como de Igualdade, Cultura e Servizos, quere fomentar o espírito emprendedor entre a comunidade universitaria, alén de achegar a realidade empresarial e incrementar o número de empresas creadas polos e polas estudantes, dando pulo a unha rede de startups marca USC.

“Un dos indicadores inequívocos da grandeza dunha Universidade é a capacidade que esta teña para exportar os coñecementos xerados no seu seo, froito da investigación, do traballo e do esforzo do profesorado e do alumnado”, apuntan dende a organización. “Atopámonos con que moitos e bos proxectos, sustentados en excelentes ideas xurdidas no ámbito universitario, pérdense no tinteiro polo simple feito de que as persoas que os promoven non se atreven a dar o salto e crear a súa propia empresa. Teñen medo ao mundo empresarial porque é percibido como complexo e complicado”, continúan.

En horario de 10.00 a 12.30 horas, o Salón de Graos da Facultade de Ciencias Económicas e Empresariais será o escenario no que se impartirá a formación presencial pero retransmitida. Ao longo dos dez días que durará a actividade, o Campus afondará, a través de profesionais de recoñecido prestixio, en temáticas tan diversas como a reformulación de proxectos; a constitución de sociedades, é dicir, a súa forma xurídica, os modelos de participación, os estilos de dirección ou os procesos de selección; así como as habilidades básicas da persoa emprendedora. A análise do mercado, o desenvolvemento da marca persoal, ou a xestión financeira serán outras das cuestións tratadas no Campus de Emprendemento e Empregabilidade da USC.

A información relativa ao proceso de inscrición pode consultarse no enderezo electrónico Este enderezo de correo está a ser protexido dos robots de correo lixo. Precisa activar o JavaScript para velo.

Prazo aberto ata o 11 de xuño

Toda a información: https://www.educacionyfp.gob.es/servicios-al-ciudadano/catalogo/general/99/991710/ficha/991710-septiembre-2021.html?fbclid=IwAR2E_08EMzVPoKr9Kgpv1PQuJvLsUCZG3vLTMyvnzm8iNq0Xrbzb2-U_Y9w

Webinar sobre os requisitos das entidades colaboradoras do programa Re-acciona Covid-19!!!

O IGAPE (Instituto Galego de Promoción Económica) ten aberto o proceso de selección das entidades colaboradoras que xestionarán o Re-acciona covid-19, o programa que ofrecerá servizos de asesoramento especializado ás empresas galegas para que poidan adaptarse ao novo contexto económico.

Para coñecer os requisitos que deben cumprir as entidades colaboradoras, o Igape celebra unha xornada informativa o vindeiro venres, 11 de xuño, ás 13 horas.

Podes atopar os detalles deste procedemento de selección das entidades colaboradoras do programa Re-acciona covid-19:

DOG:https://lnkd.in/dwZAYwH
IGAPE: https://lnkd.in/dq5yrwY

Anímate e inscríbete na seguinte ligazón: https://lnkd.in/dVcrZqj

Máis información do webinar: https://lnkd.in/d4aWMyb

Buscas emprego?

Descobre que pode ofrecerche a formación e onde atopar cursos gratuítos en JOBarcelona proximamente.

Tes unha cita o 15 xuño 11:00 

Cursos gratuítos para empezar a traballar 

Inscríbete: https://www.jobarcelona.com/

CONSELLERÍA DE CULTURA, EDUCACIÓN E UNIVERSIDADE
ORDE do 28 de maio de 2021 pola que se establecen as bases reguladoras e se procede á convocatoria dos premios de excelencia académica ao alumnado de grao universitario oficial que obtivese as mellores cualificacións no curso 2019/20 nas universidades do Sistema universitario de Galicia.

Os premios destínanse ao alumnado universitario de grao oficial que obtivese as mellores cualificacións no curso 2019/20 nas universidades do Sistema universitario de Galicia.

Concederase un premio por cada un dos cursos nos que se estruturan os plans de estudos das titulacións oficiais de grao e en cada un dos centros nos que se imparta ao alumnado que finalizase no curso académico 2019/20, os estudos correspondentes a un dos cursos, agás o derradeiro da titulación.

Para o alumnado dos programas de simultaneidade de graos estenderase o premio ata o penúltimo curso anual dos ditos programas.

No ámbito de aplicación desta convocatoria están incluídos:
a) Os graos oficiais impartidos nas universidades do Sistema universitario de Galicia.
b) Os programas de simultaneidade de graos impartidos nas universidades do Sistema universitario de Galicia.

https://www.xunta.gal/dog/Publicados/2021/20210608/AnuncioG0598-280521-0005_gl.pdf