Obxecto: Esta resolución ten por obxecto regular o procedemento para a elaboración dunha bolsa de persoas formadoras colaboradoras para impartiren obradoiros, convocados pola Secretaría Xeral da Emigración, en entidades galegas asentadas fóra de Galicia.
Actividades formativas: As persoas interesadas poderán solicitar a inscrición, segundo a súa especialización e os seus coñecementos, nunha ou varias actividades das relacionadas a continuación:
- Artesanía e folclore tradicional galego: baile, gaita, percusión, pandeireta, canto, outros instrumentos novos do folclore galego (frauta, requintas...), confección de traxes tradicionais e encaixe.
- Cociña galega.
Áreas xeográficas: As áreas xeográficas onde se realizarán os cursos, en función das convocatorias da Secretaría Xeral da Emigración, serán as seguintes: a) España. b) Resto de Europa. c) América. 2. As persoas interesadas poderán presentar a súa candidatura a unha ou varias das áreas xeográficas anteriores.
Requisitos das candidaturas
1. Para candidaturas á bolsa de profesionais da artesanía e folclore tradicional galego será preciso acreditar para a materia da que se trate que se cumpren cando menos dous dos requisitos seguintes:
- Estar en posesión dunha titulación oficial ou contar cun mínimo de 150 horas de formación acreditada.
- Ter experiencia profesional de cando menos dous anos na dirección ou como membro de grupos de baile, gaitas ou percusión; grupos musicais, talleres e empresas de artesanía ou relacionados coa especialidade para a que se presenta a candidatura.
- Ter experiencia docente de cando menos dous anos en organismos ou entidades públicas ou privadas.
2. Para candidaturas á bolsa de actividades de cociña galega será preciso acreditar que se cumpren cando menos dous dos requisitos seguintes:
- Estar en posesión dunha titulación oficial ou contar cun mínimo de 150 horas de formación acreditada.
- Ter experiencia profesional de cando menos dous anos que probe o coñecemento da gastronomía galega.
- Ter experiencia docente de cando menos dous anos en organismos públicos ou privados.
Prazo de presentación de solicitudes: Un mes contado a partir do día seguinte ao da publicación da resolución no Diario Oficial de Galicia.
Ligazóns: https://www.xunta.gal/dog/Publicados/2023/20231221/AnuncioC3B0-141223-0001_gl.html
https://sede.xunta.gal/detalle-procedemento?codtram=PR933A&ano=2023&numpub=1&lang=es