Nesta web as cookies son utilizados para fins estatísticos para optimizar a función e, así, proporcionar contidos adaptados aos seus intereses. Se preme "continuar", concordas con estas condicións. Máis información

Loading...

Emprego A Estrada

Read More

A Asociación para o Progreso da Dirección (APD) organiza conxuntamente coa Xunta de Galicia e a través do Igape, a quinta edición do evento “O mundo que vén”, que se celebrará o próximo 4 de decembro en Santiago de Compostela, contando coa colaboración do Círculo Financiero de Galicia.

Como actividade central do programa Capacita Directivos impulsado pola Xunta de Galicia conxuntamente con APD, o obxetivo das xornadas “O mundo que vén” é procurar que as persoas directivas das empresas galegas levanten a mirada das ocupacións cotiás para descubrir as novas tendencias en xestión empresarial e poidan anticipar o xeito en que os cambios por vir afectarán as súas empresas.

Entre os ponentes da V Edición de “O mundo que vén” estarán Jorge Dezcallar, ex-embaixador en EEUU, Marrocos e Vaticano e ex-director do CNI; Daniel Innerarity, catedrático de Filosía Política e Social da Universidade do País Vasco; Amparo Alonso, presidenta da Asociación Española de Intelixencia Artificial e Antonio G. Vicente de APD Kids.

Aforo limitado.

PROGRAMA E INSCRICIÓNS

Código invitación Igape: I185SW3Z

Read More

Desde a Fundación Cultural da Estrada convócanse as seguintes accións formativas para persoas  desempregadas ( AFD):

- IFC078_2: Certificado de Profesionalidade Sistemas Microinformáticos (Nivel 2) con data inicio: 10/12/2018 (Quenda de tarde)

- SSCE0110: Certificado de Profesionalidade Docencia da Formación Profesional para o Emprego (Nivel 3). Data inicio: 07/01/2019 (Quenda de tarde)

Persoas interesadas apuntarse na Oficina de Emprego.

Para máis información: 986 57 09 97 / Este enderezo de correo está a ser protexido dos robots de correo lixo. Precisa activar o JavaScript para velo.

Read More

CONSELLERÍA DE INFRAESTRUTURAS E MOBILIDADE
RESOLUCIÓN do 19 de outubro de 2018, da Dirección Xeral de Mobilidade, pola que se convocan as probas de constatación da cualificación inicial para o exercicio da actividade de condutor/a profesional de determinados vehículos destinados ao transporte de mercadorías ou de viaxeiros/as por estrada que terán lugar na Comunidade Autónoma de Galicia no ano 2019, en desenvolvemento do Real decreto 1032/2007, do 20 de xullo (Boletín Oficial del Estado número 184, do 2 de agosto), e da Orde do 19 de novembro de 2009, da Consellería de Medio Ambiente, Territorio e Infraestruturas (Diario Oficial de Galicia número 233, do 27 de novembro).

INFORMACIÓN

Read More

Achégase unha nova edición do  "Seminario sobre Discapacidade Intelectual e Saúde Mental", que nesta ocasión vai ter lugar o venres, 30 de novembro, na Facultade de Psicoloxía (Mód. A, planta -1).

Este seminario organízase coa colaboración do Grupo de Traballo sobre Trastornos Mentais e/ou Alteracións de Conduta en persoas con discapacidade intelectual, un equipo de profesionais de asociacións de toda Galicia, que voluntariamente se reúnen para a exposición e consulta de diferentes dúbidas, dificultades e sobre o tipo de intervencións axeitadas nas persoas con discapacidade intelectual e trastornos mentais e/ou alteracións de conduta asociados.

Ademais, o grupo traballa na busqueda da implicación, de maneira activa, da Administración e profesionais (psiquiatras das Unidades de Saúde Mental do SERGAS e demais profesionais vinculados) para asegurar o dereito a unha atención, un apoio e un tratamento axeitado.

Esta edición, que volve a contar coa Declaración de Interese Sanitario por parte da Consellería de Sanidade, ten como finalidade:

• Informar e sensibilizar ós profesionais de diferentes campos das particularidades das persoas con discapacidade intelectual ou do desenvolvemento que presentan alteracións da saúde mental.

• Dar a coñecer ós profesionais de diferentes campos novos modelos de apoio as persoas con discapacidade intelectual ou do desenvolvemento, tales como a planificación centrada na cognición.

• Promover unha reflexión crítica, racional e realizada dende a distancia, sobre os servizos e apoios que se prestan nas organizacións, para avanzar cara a calidade de vida da persoa.

• Ofrecer ós profesionais información e formación, teórica e práctica, sobre estratexias e mecanismos para lograr a capacitación das familias no apoio condutual positivo.

• Fomentar vías de colaboración entre os Servizos Sociais, Sanidade e o Sector da Discapacidade Intelectual..

Máis información e inscrición en: http://fademga.plenainclusiongalicia.org/gl/mais-novas/novas/1552-seminario-sobre-discapacidade-intelectual-e-saude-mental-apuntate

Read More

O obxecto desta resolución é a convocatoria das probas para a obtención da habilitación do persoal de control de acceso a espectáculos públicos e actividades recreativas e a súa expedición.

As probas rexeranse polo establecido nesta resolución e nas bases xerais recollidas na Orde do 21 de abril de 2010 (DOG nº 78, do 27 de abril).

As solicitudes do procedemento PR471A presentaranse preferiblemente por vía electrónica a través do formulario normalizado (anexo I) dispoñible na sede electrónica da Xunta de Galicia, https://sede.xunta.gal

Opcionalmente poderanse presentar as solicitudes presencialmente en calquera dos lugares e rexistros establecidos na normativa reguladora do procedemento administrativo común.

Para a presentación de solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).

O prazo de presentación de solicitudes será de 20 días hábiles, contados a partir do día seguinte ao da publicación da presente convocatoria no Diario Oficial de Galicia.

RESOLUCIÓN

Read More

Xornada De Cultura Tradicional E Desenvolvemento De Habilidades Socio-Relacionais Eurocidade_2020

Destinatarios/as: mozos e mozas galegos e portugueses con idades comprendidas entre os 18 e os 30 anos, ambas inclusive.
Prazas: 20 prazas
Datas: 24 e 25 de novembro de 2018
Lugar de realización: Eurocidade Chaves-Verín, Avda. Portugal, Feces de Abaixo 32699 Verín – Ourense
Inscrición: mediante formulario electrónico

Prazo de inscrición: do 2 ao 16 de novembro de 2018.
Admisión: será por rigoroso orde de inscrición, ata cubrir a totalidade de prazas convocadas.

Preme aquí