Nesta web as cookies son utilizados para fins estatísticos para optimizar a función e, así, proporcionar contidos adaptados aos seus intereses. Se preme "continuar", concordas con estas condicións. Máis información

Loading...

Emprego A Estrada

Venres, 21 Agosto 2020 09:52

QUERES FACER PRÁCTICAS NO BANCO CENTRAL EUROPEO?

O Banco Central Europeo (BCE) ofrece prácticas para estudantes de economía, finanzas, estatística, administración de empresas, dereito, recursos humanos e tradución, entre outros. Os/as solicitantes deben estar matriculados/as en estudos de posgrao. Moi ocasionalmente, estas oportunidades tamén se ofrecen a estudantes de grao.

Estas prácticas dan aos estudantes a oportunidade de poñer en práctica os coñecementos que adquiriron para obter unha visión das actividades e operacións do BCE, pero tamén para contribuír, directa ou indirectamente, á misión do mesmo.

As prácticas ofrécense por períodos de 3 a 12 meses. O traballo abarca desde a investigación e a preparación de informes preliminares ata a compilación de datos estatísticos e a participación en estudos ad hoc. Os participantes reciben unha bolsa ao mes dependendo das tarefas e das súas habilidades. Ao longo do ano, ábrense diferentes oportunidades de prácticas no BCE. Ademais, hai dous programas regulares: o Programa de Prácticas de Investigación BCE para estudantes, ofrecido pola Dirección Xeral de Investigación ( DG- R) e o Programa de Prácticas en Estatística do BCE, que ofrece a Dirección Xeral de Estatística ( DG- S).

Requisitos para participar:

-Ter polo menos 18 anos e falar inglés fluído, ademais doutro idioma oficial da UE.

-Ser nacional dun Estado membro da UE ou dun país adherido.

-Completar polo menos unha cualificación de primeiro ciclo (licenciatura/grao).

-Ter experiencia profesional máxima de 12 meses.

-Non ser bolseiro por un período superior a 6 meses.

-Non ser bolseiro do BCE nin traballar para o BCE.

LIGAZÓNS EXTERNAS:

MÁIS INFORMACIÓN

INSCRÍBETE